Das paradies proiektuaren irudiaEgilea: Amaia Molinet

Amaia Molinetek Arte Garaikideko, Teknologikoko eta Performatiboko masterra eta Arte Ederretako lizentzia egin ditu EHUn. Lurraldea nortasunean eragiteko esparrutzat aztertzen du bere arte-jardueran...

das paradies

Gaingiroki, Das Paradies proiektuak Alpeetako paisaien irudiak bildu nahi ditu, baina Koranean jasotzen den deskribapenari lotutako paradisuaren ideia islatuko duten elementuak jasota: mendi elurtuak, laku zabalak, zaldi zuriak…

Proiektuaren lehen fasean, Austriako Alpeetara, Zell am See eta Kaprun herrietara, joango naiz, Arabiako herrialdeetako turista asko egoten baitira bertan. Egonaldiaren helburua: argazki- eta bideo-irudiak lortzea, paisaia mugikorren plano estatikoak osatzeko.

Estudiora bueltatu ondoren, irudia inprimatu eta aurkezteko prestatzen arituko naiz, eta erakusketa-display baterako euskarriak eraikiko ditut. Adibidez, argazkietarako markoak eta oinazpikoak egiteko aukerak aztertuko ditut, batzuk arinagoak eta beste batzuk pisutsuagoak, hala nola burdina eta zura.

Lan-prozesu horiek guztiak egiteko, halako kultura-konplexutasuna duten proiektu orok eskatzen duen errespetuan eta sentsibilitatean oinarrituko naiz.